Retningslinjer og rutiner

Elevé Keramikkverkstad

Desse retningslinjene er laga for å sikre eit trygt, ryddig og inspirerande verkstadmiljø for alle medlemmar. Ved å følgje desse bidreg du til at verkstaden fungerer godt både praktisk og sosialt.

1. Tilgang og booking

  • Alle arbeidsøkter i verkstaden skal bookast via medlemsportalen.

    • Viktig for tryggleik (brann, uforutsette situasjonar, eigar av bygget, parkering).

    • Gjer at du har oversikt over timane dine kvar månad.

  • Jobbar du heime med leire tilknytt verkstaden, registrer dette i portalen og marker med «heime».

  • Kode til døra vert oppgitt ved fysisk gjennomgang i verkstaden ved oppstart.

  • Hugs å låse begge dørene før du går. (siste person ut)

2. Orden og ryddighet

  • Sett alltid utstyr tilbake på same plass du fann det – og pass på at det er reingjort.

  • Vask arbeidsområdet etter deg:

    • Bruk fuktig svamp/klut på bord, stol, utstyr og golv.

    • Tørk over med tørr klut.

    • Dette hindrar at tørr leire utviklar seg til støv som er helseskadeleg.

  • Eigen hylleplass skal også vaskast jamleg med fuktig klut.

  • Merk private glasurar og verktøy med namn/sprittusj.

3. Bruk av leire og glasur

  • Fellesleire:

    • Elevé bestiller og får levert leire til verkstaden.

    • Du kan forsyne deg fritt, men blir belastet per pakke. Prisliste står ved leira, registrer navn og type leire. Fakturering vert sendt via vippskrav.

  • Fellesglasurar:

    • Under- og lavtbrennande glasurar kan nyttast fritt.

    • Merk gjenstandene med «felles underglasur» før råbrann.

    • Blank overglasur er også tilgjengeleg – ta kontakt med verkstadsleiar før bruk og les alltid instruksjon på boksen.

  • Eigen glasur/leire:

    • Mange bestiller frå t.d. Waldemar Ellefsen.

4. Brenning

  • Plassering av arbeid:

    • To hyller i: råbrann og høgbrent glasur.

    • Merk gjenstanden med namn + dato for plassering (ikkje dato for når den er laga).

  • Viktige reglar:

    • Gjenstandar til råbrann må vere heilt tørre (minst 1 veke tørketid).

    • Ved glasering med ny glasur: sett alltid på coaster og evt. stilt.

    • Dersom glasur renn på brenneplater pga. manglande førebygging, blir du belastet kr. 500,-.

    • Coastere og stilts ligg ved glasurbrannhylla.

5. Inspirasjon og respekt

  • Vi blir alle inspirert av Instagram, Pinterest og kvarandre. Det er lov å bli inspirert, men ikkje å kopiere direkte.

  • Om du ønskjer å lage noko likt, send ei melding til den som har laga det først. Ofte er det heilt greitt – men respekter at nokon kan ha brukt lang tid på eige design.

  • Det er naturleg at fleire lagar gjenstandar med likt uttrykk (t.d. bølgefat) – dette er sjølvsagt innafor.

6. Bruk av verkstaden

  • Verkstaden er kun for medlemmar. Det er ikkje lov å ta med ikkje-medlemmar utan avtale.

  • Om du kjenner nokon som er interessert, kan dei få prøvetime etter avtale med verkstadsleiar.

7. Tryggleik og hjelp

  • Ved akutte situasjonar: ring Gabrielle på 934 19 760.

  • Spørsmål kan rettast til andre medlemmar eller i Messenger-gruppa.

  • Hugs: Det er mykje å lære i starten. Prøv deg fram og finn ditt eige uttrykk – her er rom for både utforsking og vekst.

8. Felles mål

Målet med retningslinjene er at alle skal ha ei trygg, triveleg og inspirerande oppleving i verkstaden. Ved å følgje rutinane bidreg du til eit fellesskap der vi kan utvikle oss både kreativt og sosialt.