Ei helg for å lande i deg sjølv
I ein kvardag der vi stadig skal vidare, prestere, organisere og vere til stades for andre, kan det vere lett å miste kontakten med seg sjølv. Frå innsikt til uttrykk er ei helg for deg som ønskjer å lande, lytte innover og utforske kva du eigentleg treng – i kroppen, i livet og akkurat no.
Dette er ikkje ei helg der du skal bli ein ny versjon av deg sjølv. Det handlar om å kome nærare den du allereie er.
Gjennom pust, refleksjon, guidede prosessar og kreativ utforsking får du tid og rom til å stoppe opp. Du får utforske det som rører seg i deg, og gi plass til nye perspektiv – utan krav om å prestere eller finne alle svara.
Gi slepp, takksemd og kvile
Denne helga har vi valt å samle oss rundt tre ord: gi slepp, takksemd og kvile. Dei fylgjer deg gjennom heile reisa – frå roleg kroppspraksis, via refleksjon og utforsking, til den skapande økta med keramikk, der leira sjølv inviterer til å sleppe kontroll og la noko ta form i sitt eige tempo.
GI SLEPP
Sleppe kontroll og forventningar
TAKKSEMD
Kjenne etter kva som allereie er godt
KVILE
Gje kropp og sinn rom til å stogge
Retreaten er bygd opp som ei reise
Lande
Vi startar med kroppen. Gjennom roleg yoga, pust og nærvær får du sleppe taket i kvardagen og lande i deg sjølv.
Sjå
Du får tid til å stoppe opp og bli bevisst på kvar du står akkurat no. Kva tek plass? Kva gir energi? Kva lengtar du etter?
Utforske
Gjennom ulike kroppsnære og refleksive øvingar får du utforske mønster, behov, grenser og det som kanskje held deg tilbake.
Gi slepp & skap nytt
Når innsikta skal få eit uttrykk, flyttar vi oss frå hovudet til hendene. Gjennom keramikk og kreativ utforsking får du arbeide med hendene, vere i prosessen og skape utan krav om å prestere eller lage noko «perfekt». Du treng ingen erfaring med keramikk.
Integrere
Søndagen handlar om å samle det du har oppdaga og finne ut kva du ønskjer å ta med deg vidare. Du reiser ikkje heim med ein fasit, men med meir kontakt med deg sjølv og eit tydelegare neste steg.
Om staden
Ytst mot havet, omgitt av fjell, fjord og eit landskap i stadig endring, ligg Fosnavåg. Her er naturen tett på. Havet gir utsyn og luft, fjella inviterer til å lande, og lyset og vêret skiftar frå augeblikk til augeblikk.
Det er nettopp denne kontrasten vi ønskjer å ta med inn i retreaten på Elevé. Eit avbrekk frå kvardagen, der du får trekke deg litt tilbake, senke tempoet og gi plass til deg sjølv. Ein helg for å puste, reflektere, utforske og skape – med havet og fjella som bakteppe.
Bli med på ein fjelltur til Hornseten – med 360 graders utsikt over øysamfunnet og fjelltoppane rundt. Ca. 1 times gåtur.
Dette får du
Roleg kroppspraksis
Pust og nervær
Guidede refleksjonsøvingar
Tid til å vere åleine og kjenne etter
Kreativ workshop med keramikk
Lunsj laurdag
Middag laurdag
Snacks og servering søndag
Eit trygt og lite fellesskap
Tid og rom til å lande, utforske og integrere
Kven passar retreaten for
For deg som:- kjenner behov for å stoppe opp
- står i ein overgang eller endring
- ønskjer meir kontakt med deg sjølv
- kjenner at noko i livet treng å justerast
- ønskjer å utforske kva du eigentleg vil
- treng ein pause frå krav, tempo og kvardag
- ønskjer ei helg med både djupne, kreativitet og fellesskap
Når og korleis
Retreaten startar laurdag føremiddag. Du kan velje å kome allereie fredag kveld dersom du ønskjer ein rolegare start. Vi har avtalt eigen rabatt på hotellovernatting for retreatdeltakarane. Frukost blir servert på hotellet søndag morgon.
Overnatting og frukost er ikkje inkludert i retreatprisen. Som deltakar får du eigen retreatpris på hotellet dersom du ønskjer å overnatte.
Plassane er avgrensa, slik at vi kan halde retreaten liten og nær.
Frå innsikt til uttrykk.
