Medlemsavtale Keramikk Basis – Verkstadsplass ved Elevé Keramikkverkstad

Ved å bestille verkstadsplass ved Elevé Keramikkverkstad bekreftar du at du har lese, forstått og godkjent følgande vilkår:

1. Innhald i medlemskapet

  • Medlemskapent gir tilgang til verkstaden inntil 12 timar per kalendermånad.

  • Ubenytta timar kan sparast og nyttast innan to månader etter den aktuelle månaden.

  • Medlemmet må sjølv føre oversikt over sine timar etter gjeldande ordning.

  • Felles reiskapar og utstyr kan nyttast, med unntak av material som medlemmet sjølv må skaffe (t.d. leire, glasur, dekaler).

  • Medlemmet får tildelt hylleplass for eigne eigendelar og kan få eigne gjenstandar brent etter gjeldande køprinsipp.

  • Medlemmer kan få tilbod om å delta på kurs, workshop, interne arrangement og eventuelt selje eigne gjenstandar ved verkstadsutsal.

2. Partanes forpliktingar

  • Medlemmet pliktar å følgje retningslinjene for bruk av lokalet/tilgangen.

  • Begge partar pliktar å halde orden og bidra til eit hyggeleg verkstadsmiljø. Øydelegg ein ei gjenstand må ein straks gje beskjed.

  • Medlemmet skal alltid rydde og vaske etter seg, inkludert utstyr, reiskapar, bord og golv. Naboar skal takast omsyn til.

  • Uforsvarleg bruk som fører til skade på utstyr eller lokale kan føre til økonomisk ansvar og/eller tap av medlemskap.

  • Medlemmet pliktar å vise omsyn til andre medlemmar og bidra til eit trygt og inkluderande miljø.

  • Elevé Keramikkverkstad pliktar å halde utstyr og reiskapar i forsvarleg stand og å brenne gjenstandar etter gjeldande køprinsipp.

3. Ansvar

  • Elevé Keramikkerkstad er ikkje ansvarleg for personleg eigedom som blir skada eller tapt.

  • Deltaking skjer på eige ansvar.

4. Etableringsfase

Medlemmet er kjend med at Elevé Keramikkverkstad er i ein etableringsfase, og at det kan mangle fasilitetar i starten. Innspel og forslag til utstyr og lokalar blir tatt imot med takk.

5. Varigheit og oppseiing

  • Medlemskapen gjeld for heile kalendermånader frå inngåingstidspunktet.

  • Avtalen er løpande til den blir sagt opp av ein av partane.

  • Oppseiingstida er ein månad, gjeldande frå første dag i kvar månad, og skal skje skriftleg.

6. Betaling

  • Medlemmet pliktar å betale gjeldande medlemspris: kr 700,- pr. månad (mva-fritt), som gir tilgang til 12 timar per månad.

  • Betaling skjer forskotsvis gjennom nettsida vår.

  • Medlemskapet fornyar seg automatisk kvar månad.

  • Oppseiing må gjerast seinast 1 månad før ny betalingsperiode startar.

  • Elevé Keramikkverkstad kan justere prisen ein gong i året med to månaders varsel.

7. Godkjenning

Ved å kjøpe medlemskapet godkjenner du denne avtalen og forpliktar deg til å følgje punkta over.